如無意外，馬來西亞鋼鐵大王鍾廷森嗰檔「百盛百貨」，會在今個月底響港交所主板掛牌，作為財經界一分子，華華固之然係關心佢幾錢招股、檔嘢掂唔掂同係咪買得過，但同時作為娛樂八卦新聞讀者，華華更關心喺上市儀式會唔會見到鍾廷森位太座──就係81年嫁咗畀鍾先生之後即刻息影做少奶奶的陳秋霞（圖右）。
昨日百盛兩位管理層第一次同傳媒見面，其中董事總經理鍾榮俊，就係鍾廷森個姪。佢同華華講，淨係知道阿嬸在香港會開一個演唱會，但唔知會唔會出席上市儀式；總之，佢都唔知道阿嬸響香港嘅行程。其實，鍾太將會喺明日（即係11號）幫「健康快車」做場慈善騷，地點係港島香格里拉，啲飛經已賣晒，只演一場……重有，華華翻查資料，鍾太係1957年11月12日出生，咁即係演唱會翌日就係佢生日，唔知會唔會順手又慶祝埋咁呢？