當一個人到咗生死關頭，咩風度、原則都要借歪，曼聯領隊費爵爺亦唔例外；傳媒爆料佢叫助手基羅斯喺場邊唔好出聲教路，要分尊卑！
基羅斯係老費多年老友，當年轉教皇馬到回巢，老費兩脅插刀撐到行；點解今日又變臉呢？之咪係最近老費「帥位」不穩，雖然冇傳基羅斯會接手，但係對任何潛在對手都要做到五個字：先下手為強！
冇錯！老費合約出年六月就滿，但係邊個唔想好頭好尾？半途被炒或上神枱都係奇恥大辱！老友都冇情講。唔信？老費已經要求喺一月用二千五百萬鎊大肆擴軍，要同車仔死過！如果佢甘心冚牌走人，邊使搞咁鬼多嘢呢？