傅明憲昨日在灣仔出席護膚品牌活動，問到早前被傳整容的新聞，傅明憲即顯得慌亂，她堅稱不會接受高風險的手術去改變自己的外觀，只是面和身體都瘦了。
傅明憲昨日在灣仔君悅酒店PoolHouse，以EsteeLauder最新推出的白金級極緻賦活精華素亞洲區第一用家身份出席活動，現場展出多張由張文華為她拍攝的照片。
心慈便貌美
傅明憲重申她不是該產品代言人，她說：「影呢輯相係因為我係呢個牌子嘅多年捧場客，第二係因為我有寫開美容專欄，同我嘅美容專家形象好配合。」談到護膚心得，傅明憲說：「都係一日要飲八杯水，去戶外要搽防晒之類啦。」問傅明憲是否認同「心慈貌美」這句話？她說：「梗係啦，心地好，個人有信心，俾人嘅感覺都易相處、舒服啲啦。」
問傅明憲是否反對人工美，因早前有報道暗指她整容、再次割雙眼皮，傅明憲即帶點慌亂地說：「呢個問題都同護膚冇關係嘅，我係瘦咗，面同身都瘦咗啫，割雙眼皮我好耐之前講過啦，使唔使割幾次呀？我唔會同寫呢啲報道嘅人計較，因為寬恕係我最大嘅福份，原諒人，人都青春開心啲。」
試美容產品
傅明憲續說：「呢幾年因為我寫專欄，試咗好多產品同先進嘅療程，連laserfacial都有，不過啲高風險嘅手術都係留番生仔啦。」
採訪、攝影：DebbieLum
