鄧萃雯主持的港台節目《性在有心》前日邀請了譚耀文到港台接受訪問，由於節目內容是環繞性問題，所以雯女事前已讓阿譚選擇話題，當中包括有早洩、淫蕩及愛滋病等話題，不過阿譚就避忌地只選擇愛滋病等大路話題，阿譚笑說：「其他嗰啲太私人同敏感，而且『早洩』一個字就講晒，就係冇囉。反而我想知自己性能力幾時衰退，同埋點先可以生仔定生女，聽講有啲姿勢可以令到鍾意生仔或生女都得。」
秋生開口昅着脷
而雯女就大讚阿譚為人好真亦好有魅力，所以特別邀請對方到來做嘉賓。而雯女透露早前已邀請了蘇永康，她亦有意邀請張栢芝及黃秋生做嘉賓，她笑說：「之前有搵過黃秋生，不過佢嗰排一開口就昅着脷，所以費事佢講錯嘢，遲啲先再搵囉。」
採訪、攝影：胡比