「互聯網天后」、摩根士丹利董事總經理瑪麗米克（MaryMeeker）噚日喺汕頭大學講「全球及中國互聯網趨勢及分析」，香港大學同上海長江商學院即時聯播。瑪麗米克喺會上預期，全球網上電子商貿活動，將會由現時佔整體商務活動的3%升至10至15%；網上購物有價格優勢，但始終有時差限制。傳統商店唔使擔憂會被網上購物取代。
至於未來互聯網嘅發展，網上電話服務VOIP喺未來5至10年將會係一項煞食服務，並對電訊商嘅電話收費構成壓力；而內容供應商將會係主要受惠者，例如MTV來自互聯網嘅收入，未來幾年將會超逾收費電視。
天后又話全球現在正由寬頻網絡時代開始踏入流動網絡年代。講到中國互聯網市場，佢認為現時國內互聯網商能提供本土服務，有較佳優勢；不過隨住中國入世開放更多市場，相信跨國企業的市場佔有率將會提高。