就嚟到十一月十一日，大陸好多年輕人都叫嗰日做「光棍節」，因為四個「1」字令人聯想到形單影隻嘅景況咁話喎。今年嘅「光棍節」將有人喺復旦附近一間咖啡廳舉行拍賣會，「拍賣品」係六名自願報名嘅白領，競投者可以互相競價，價高者將獲得同拍賣品約會嘅權利，但僅限於行街睇戲食飯。拍賣所得會捐畀貧困嘅學生，參與者都覺得好有意義。