馬德鐘（右）噚日擔任電台節目《家天下》客席主持，請咗郭可盈做嘉賓。可盈話好有信心攞無綫台慶女主角獎，問佢喺咪諗住同汪明荃（阿姐）爭到底時，可盈話：「我都冇諗過要挑戰佢，咁我當然唔會打定輸數，可以同阿姐相提並論，已經係我嘅光榮，阿姐咁殿堂級，應該攞『星輝大獎』。」另外，可盈噚日又去咗尖沙嘴出席「更生計劃之天生我才必有用」記者會，席間播出可盈早前探訪懲教所嘅片段。