九巴後人雷怡暉和胞弟雷永晃同樣鍾情上海型男美女，前晚二人在中環出席美容活動，雷怡暉甜蜜宣布再婚喜訊，婚期暫定明年。雷怡暉透露早前與上海男友及大班朋友度假時，男友突然在沙灘向她求婚，令她驚喜萬分。
路訊通董事兼營運總裁雷怡暉及胞弟雷永晃、賭王何鴻燊千金何超瓊、名模李嘉慧及殷櫻等，前晚在中環四季酒店出席尊貴護膚品牌LaMer的「海洋之奧秘」分享會活動，同場展示一瓶價值達一萬六千元的精華素。
加國見完家長
同是熱戀中的雷怡暉和雷永晃，分別與上海俊男美女拍拖。○一年尾與陳方安生姪兒陳鴻輝離婚的雷怡暉，前晚甜絲絲宣布再婚喜訊，她說：「前嗰排我同男友同一大班朋友去resort玩，男友突然喺沙灘度拎住鮮花同戒指向我求婚，真係好surprise，婚期暫定喺明年，我重啱啱帶男友返加拿大見爺爺，爺爺對佢都好滿意，讚佢為人大方又有禮貌。」
超瓊有老竇心
雷怡暉胞弟雷永晃亦與一上海姑娘拍拖，問雷怡暉會否兩姊弟同時舉行婚禮？她笑說：「梗係唔會啦，Alex（胞弟雷永晃）女友又高又靚女，一齊行禮咪俾佢搶晒鏡。」
此外，何超瓊指自己是LaMer多年用家，其父月底生日，問超瓊會送甚麼禮物？她說：「睇吓媽咪點安排啦，咁多年諗送乜嘢禮物畀爹哋都幾頭痛，不過我早排去巴黎就發現咗一間領呔店，入面賣嘅領呔全部係人手造、用金線繡成好矜貴，重係每款得一條，我已經買定一條送畀爹哋啦。」
採訪：JessicaNgan
攝影：RickyChan
