鍾欣桐（阿嬌）在銀幕扮打女備受讚賞，原來其矯健身手源自學生時代在田徑場上勤下苦功。阿嬌更曾奪過學界跨欄金牌，是一百一十米女欄王，日前她到運動場示範時確見真章，輕身一躍有姿勢有實際。
鍾欣桐曾是學界女劉翔，擅長一百一十米跨欄，當年更勇奪學界百一米欄金牌。
阿嬌自從加入娛樂圈後，雖已沒有參賽，但她在田徑場上下的苦功並沒白費，如今觀眾在大銀幕上看見她拍打戲時的敏捷身手，其實是她跨欄鍛煉有功所致。
鍛煉意志
早前阿嬌到斧山道運動場再顯身手，仍能保持水準，輕輕一躍已飛越欄架，動作瀟灑有型，她笑說：「以前入學校田徑隊時報咗跨欄，初頭要對住十個欄，好驚㗎，但做到個動作，老師會讚，咁就再練多啲，日日係咁練，一返學就練，食lunch練，得幾個字時間都練㗎，因為鍾意囉。」
談到跨欄，阿嬌大力推介道：「跨欄可以練到一個人嘅意志，一開始嘅時候，你見到一排欄已經覺得死咯，要克服驚，其實幾辛苦㗎，但做到又會好開心，好過齋跑一場。不過嗰時成日都要跑步練氣，擦損實有，但好少跌低，最緊要保持平衡。」
採訪：朱倬誼 攝影：葉君海
