每逢國際賽期前嘅周中，總係風平浪靜；大眾強隊唔見晒，真係可以撇除一貫主觀因素去捉路，畀到大家認真刨波嘅好機會。
好似今日嘅西班牙盃，利達主場對基達菲，基達菲雖為甲組隊，但大部份球迷仍然對呢班波認知唔多，今季都只係睇過幾場直播；對手乙組仔利達更加唔使講，除非你有玩開外圍西乙波，都可能知道吓佢哋興開細定開大；但踢法係點，邊瓣最煞食，完全未聽過未睇過，一味靠估。
騎呢波玩冷門注項
咁咪惟有認真啲去刨吓佢哋嘅走勢，又或者呢個盃賽熱門戰果定係冷門戰果多囉。又或者轉個方式，唔玩主流嘅「主客和」或者亞洲盤，試吓吼「總入球」或者「半全場」等。
印象中，近幾個球季西班牙盃喺呢個階段，都幾多「2球」及「3球」戰果出現。呢場各押一注，回報平均有一點五及一點八五倍，同亞洲盤差唔多。
文：華度