薛凱琪（Fiona）前晚到海洋公園出席活動，與海豚玩遊戲時，Fiona更不聽訓練員指示，狂掃海豚摸勻全身，就連她自己都說：「我覺得自己好似鹹濕緊佢咁！」
薛凱琪前晚與鄭融、Twins及關智斌（Kenny）等於海洋公園出席「南區勁度之夜」，本來有份出席的梁洛施因病缺席，眾星在海洋劇場玩遊戲及與海豚一同表演。
椰殼胸圍笠頭
當主持要求歌手們扮海洋生物時，DJ羅啟新拿着一個以椰殼造成的胸圍出場，欲放在Fiona的胸部，Fiona即時嚇得雙手護胸，羅啟新又叫Fiona垂下頭，然後將椰殼胸圍放在其頭上，羅啟新說：「好似龜頭呀。」大有性騷擾之嫌，但Fiona只懂儍笑。
Fiona與鄭融有機會學習訓練海豚，訓練員叫二人拍一拍海豚頭部，但Fiona竟由頭摸到尾又不停掃海豚，事後她說：「佢好凍又好滑呀，我重感覺到佢嘅心跳，好開心。」原來Fiona自小就很喜歡海豚，她說：「難得有機會，梗係以最短時間摸勻佢全身，我覺得自己好似鹹濕緊佢咁。我都好想跳落水同佢一齊游呀。」
此外，Fiona與Kenny負責踩三輪車載司儀出場，Fiona踩得有板有眼，相反Kenny則幾乎撞牆，事後Kenny解釋：「係單車有問題，傾向左邊，我踩單車好叻㗎，以前成日同Steven（張致恆）游水、踩單車同跑步，我重想參加三項鐵人賽㖭。」
預早打流感針
Twins是夜只擔任主禮嘉賓，由於二人經常到內地工作，故已打了流感預防針做準備。Twins將於明年一月舉行第三次演唱會，鍾欣桐說：「我哋希望今次有一個月時間綵排，今次想有唔同嘅嘢畀人睇。」
採訪：胡比 攝影：仇志德
