金馬獎執委會遭恐嚇勒索逾百萬元，並威脅與會人士的安全，對此一眾打算出席頒獎禮的候選人都表示不害怕。
元秋：
件事搞成咁都會擔心，但相信大會會安排，唔應該由我哋呢啲小巿民、小女人去擔心，到時咁多港星去，有事就一齊有事，相信台灣政府會負責我哋嘅安全。
元華：
金馬獎嗰度咁值錢，我認為五百萬（新台幣）太少啦！講笑啫，我相信台灣政府一定會做啲嘢，大家都照去，我又有乜好驚呢！
黃秋生：
哈哈，怪事年年有，今年特別多，咁都要擔心就弊家伙，我唔係話啲黑社會只係講吓，呢啲係台灣政府嘅事。我梗係會去，我覺得台灣好安全，但呢件事不可思議。
周星馳：
其實我考慮出唔出席金馬獎係睇吓自己嘅時間，唔會理其他因素，所以唔會影響到決定。
楊千嬅：
我唔擔心，大會請得我去，應該會搞好保安問題，不過我會叫公司嘅人密切注意事態發展。