上月尾愛華頓主場贏米杜士堡場英聯盃發生過一椿怪事，主隊一名九歲球迷李察衝入場，據報道話佢企圖鏟低對方嘅基度爾，最後失敗被拉；原來個「𡃁仔」話係同朋友打賭二十鎊，證明自己鏟波好過愛華頓球員喎！不過呢位小球迷以後都好難再「出位」喇，因為佢阿媽話再都唔俾個仔去球場睇波。