【本報訊】「原來自己攞住個炸彈行街都唔知！」「我老公有心臟病，萬一個炸彈喺地鐵跌落地爆炸，嚇親我老公出咗事咁點算啊？」無端替歹徒將禮包炸彈送往《明報》的花店老闆夫婦鄺先生和鄺太，昨日憶述炸彈狂徒到其在油麻地的花店光顧，及藉詞要求代送禮包的情況，至今猶有餘悸。警方正通緝該名年約三十歲的炸彈狂徒。 記者：張家樂
警方指出，炸彈狂徒為中等身材，約一點八米高，當時頭戴一個黑色、前面有白色間條的電單車頭盔，並放下頭盔的遮風擋，同時身穿黑色Ｔ恤及深色牛仔褲，以及攜有一個銀色紙袋。警方呼籲任何有上述男子資料的人士與警方聯絡，電話28607820及28607886。
訂花表現緊張頻外望
鄺先生夫婦在廟街經營「秀蘭軒」花店已有三十多年，鄺太表示從未遇過這類事情，她說：「個炸彈狂徒真係好彩，因為平時有客入嚟我都會望清楚下佢個樣，可以知係唔係熟客，但當日佢入嚟買花時戴住個頭盔，佢揀花好快連畀錢前後只得兩分鐘，加上他高我好多，唔好意思直望佢，所以對佢個樣貌一啲印象都冇啊！」
鄺太表示：「當日（前日）下午一點鐘左右，老公出咗去送花，一個戴住頭盔好高大健碩嘅男人，一手攞住車匙一手攞住一個銀色嘅紙袋，一入嚟就話要買花送畀人生日。我隨便介紹一束深粉紅色十一支賣剩嘅玫瑰花畀佢，佢冇考慮就畀錢，我見佢咁爽快本來收三百八十，結果只係收佢三百。」
鄺太又稱：「佢話架電單車泊喺附近怕抄牌，不時向外張望有啲緊張，畀錢後交低份件粉紅色嘅『小禮盒』，上面貼有收件人地址，叫我哋連啲花一齊盡快送去，就急急腳走咗。」鄺太在對方離去後便相約在佐敦地鐵站內將鮮花和禮包交給丈夫，由丈夫乘地鐵送到柴灣《明報》報社。
警取附近店舖錄影帶
豈料鄺先生在下午二時許將鮮花和禮包送到明報工業中心十五樓的接待處，至三時許在編輯部女秘書接收禮包及拆開時即發生爆炸，並造成兩人受傷。鄺太表示：「《明報》其後有人打電話嚟問係唔係我哋送花去，跟住就話遲啲有警察會搵我哋，但又冇講乜事。」鄺先生說：「直至傍晚六時睇到電視新聞先知咁大事件，於是立即打電話去柴灣警署報警，點知一收線就有CID搵上門，兩公婆被查問到凌晨兩點幾先返屋企。」對於今次成為炸彈狂徒的「幫兇」，鄺先生夫婦大歎無奈。
昨日下午三時許，十多名港島重案組探員再次來到鄺先生的花店調查，事後並取走了附近店舖一些錄影帶，調查會否意外地拍下疑人的面貌。
