免費停車搵食：筲箕灣東大街只係中午抄牌

去完筲箕灣亞公岩嘅富士汽車，發現有條街泊滿私家車，我都唔執輸，一於有樣學樣去醫醫肚先。據茶餐廳個哥仔講，呢條街每日只係中午十二點至下午三點抄牌，一旦有警察趕車，夥計都會互相呼應。呢條街好多出名食肆㗎，例如：呂仔記糖水、安利魚蛋粉、廿四小時街坊點心等，係下午茶吹水或食晚飯嘅好地方。