有「互聯網天后」之稱嘅大摩董事總經理瑪麗米克（MaryMeeker），早兩個月來過香港，講中國互聯網業未來發展，話咁快佢又同本港及內地嘅大學生對話，今次親身東來，重開視像會議，對象主要係汕頭、上海同本港嘅大學生。今日喺汕頭開騷，視像駁通香港和上海。
其實瑪麗今年3月已去過中國內地，拜訪一啲互聯網公司。自從科網股爆破後，佢嘅聲望亦隨着下滑。8月有內地Google之稱嘅百度喺紐約上市後，內地互聯網再度成為市場關注點。近排瑪麗不斷東來，似乎想在中國市場研究方面東山再起。９月佢在港時當推介在港上市嘅騰訊控股，其股價一度升上9.4元，但之後回到8元以上爭持，天后點石成金嘅威力尚待考驗。
今次邀請天后到內地演講嘅，係李超人重點捐助嘅汕頭大學，通知傳媒嘅係李嘉誠基金會。