古巨基前晚衣錦還鄉在廣州舉行內地首場個唱，一眾鄉親、歌迷及九十歲的姑婆都往捧場。基仔更大爆遭父母催婚，建議他返鄉娶老婆，冧得現場女歌迷十分興奮。
古巨基前晚在廣州越秀山體育場舉行內地首場《古巨基勁歌金曲演唱會廣州演唱會2005》，現場一萬八千名觀眾見到基仔從台底升上舞台時，即時瘋狂尖叫，昨晚的演唱會雖然大致與香港個唱相同，但他為了答謝鄉親支持，特別獻唱新歌《天才與白痴》。
籌款扶貧
基仔透露其母是廣州人，又大讚爸爸識揀，他說：「今日我爸爸媽媽一家上下都嚟睇，有位姑婆重九十歲。爸爸媽媽話我呢行興偷偷地結婚生仔，不如我都成家立室，好似爸爸咁嚟廣州揀個（老婆），香港有狗仔隊，返廣州咪唔驚，希望今晚喺廣州有愛神眷顧我。」在場女觀眾聞言即時興奮起來。
基仔事後直言父母確曾催婚，但他每次都以工作忙碌為由推掉，基仔又大讚廣洲女孩說：「同香港女仔一樣咁靚。」而昨晚的演唱會為「中國扶貧基金會」籌得五十多萬元。
側田險仆
至於擔任演唱會嘉賓的方力申與側田，昨晚先後險些在台上仆倒。獲內地fans熱捧的側田驚喜萬分地說：「我學緊國語，會盡快做國語碟打入內地市場。」他又在演唱會上與任職金融界的妹妹Roxane一起擔任和音。另一方面，演唱會籌劃人Ba叔因籌備首映禮而找Ba嫂代為出席，Ba嫂表示Ba叔未因辭掉中國環保電力職務而影響心情。
採訪、攝影：曾小嘉
