保齡球裝備除了球外，鞋子亦很重要。另外，劉華還會貼上保護手指的膠貼和戴護腕。首先談選球，球孔距離要因應個別指距而有所不同，要選擇適合自己指距的球，才能將球控制得宜。
鴛鴦鞋底
劉華說：「球分好多種，簡單嚟講主要係分咬地同唔咬地，即係同地面嘅摩擦能力，一般球場嘅公用波，多數係纖維波，咬地能力較差，用嚟打直球好啲；咬地能力強嘅球冇咁令身，同地面摩擦易改變方向，要嚟打曲球用。」
護手指膠貼則貼於手指關節處，以防送球時用錯力度或手指卡在球孔中而受傷，劉華說：「我見過有人手指卡住，碌波後成隻手指斷咗。」至於鞋子，一般保齡球場租用的，只有鞋踭處才有防跣腳位，而比較專業的保齡球鞋則是右腳底全是防跣底，變成鴛鴦鞋底，皆因打球時重心放在左腳，右腳很易跣出去，有防跣底才可穩住身體。