今屆英超可謂南盛北衰，車仔固然憑財雄勢大，遙遙領前各隊；就算在聯賽榜前列，首都球會中，熱刺、查爾頓亦不弱，常居榜首四甲；代表北部勢力的雙紅，曼聯已是風雨飄搖，利記則似乎專注歐冠！傳統三強已去其二，唯一正穩步復甦的，又是倫敦北王阿仙奴！
熱刺將士當打
今晚之英超獨腳戲，就是今季脫胎換骨的熱刺；老一輩自然記得，它在七八年世盃後率先引入三員阿根廷國腳，隊長阿迪尼斯這員矮腳虎、與荷杜夥拍，整條中場線如魚得水，上演不少賞心悅目的進攻足球。
其實，現時之熱刺亦正向此傳統迴轉，雖然未見一員中場巨星領軍，但卻勝在人人當打，人人踢得，由荷蘭悍將戴維斯壓陣，磨合愈久，威力益增，由紐記來投之真拿斯、崛起於韋斯咸之卡域克屬英倫接班之才，外援史度迪利、文迪斯均是打仔格；活力十足，攻守咸宜，難纏之餘，亦如熾熱刺針！輔以羅比堅尼、美度、及迪科三員「濕水欖核」，刁鑽狡黠，雖稍欠制空權，難防之至；後防方面，門神羅賓遜已復佳態，重任英倫國足，配合京治、韓援李榮枃等，已轉呈可靠！此所以，英超賽事只逢一敗，被車仔破身！
保頓失意軍人爭氣
今晚北上狙擊保頓，不單是南北之爭，亦是老少爭鳴！保頓主帥擅長招攬過氣球星，將失意軍人組成爭氣團隊，引發其餘暉吐豔，一旦老人家們眾志成城，則對手可說頭都大矣！不過開咧已近三月，廉頗亦須回氣，若熱刺不敢怠慢、全場壓迫先取一球，則擴大勝果可期！足球畢竟是一場劇鬥，氣充力足，已勝一籌矣！政局亦然，年輕人請爭氣，十二月四日齊上街拼民主，莫讓小圈老朽打橫行！
梁國雄（長毛） 立法會議員
電郵：[email protected]