荷甲聯受賭波友歡迎，同佢哋啲戰果正常易估中、強隊少失拖有關；不過，前晚場阿爾克馬爾俾升班馬荷華高斯迫和二比二，就斷盡熱W過關，事關臨場阿爾克馬爾嘅「主客和」單W只得一點一四倍！
由於阿爾克馬爾有主場之利，而「膠地王」荷華高斯又以喺自己主場人造草場食胡，因此，球迷都預期阿爾克馬爾會大勝。點知阿爾克馬爾喺領先二比○嘅大好形勢下被追成二比一，重喺完場前嘅補時階段俾荷華高斯嘅龍門柏堅夏瑾助攻頭槌頂入，打和二比二！
買咗阿爾克馬爾嘅波友梗係對柏堅夏瑾恨得牙癢癢，但如果唔係佢入波，場波又開唔成有一點九五倍咁好分嘅入球「大」（三點五球）噃！