入行十年的湯盈盈，近日憑新劇《阿旺新傳》中的醜女角色李笑好而人氣急升，她今年憑三套劇競逐台慶的「最佳女配角」獎，更急速成為大熱。不過，湯盈盈拍攝時亦經過幾番內心掙扎，她說：「拍攝中途我都有啲頂唔順咁醜。」
無綫台慶劇《阿旺新傳》在播出前，焦點都落在主角「阿旺」郭晉安和宣萱身上，不過在劇集出街後最令觀眾拍案叫絕的角色，竟然是由湯盈盈飾演的醜女李笑好（阿好）。劇中講述阿旺首次送外賣到阿好家中，誤以為阿好是女鬼；以及充滿歌唱天份的阿好參加《殘忍一叮》，因為長得醜竟然未唱已被叮出局，單是這兩場戲已令觀眾笑破肚皮。
7日20個訪問
入行十年的湯盈盈亦憑着醜女阿好一角，初嘗人氣急升滋味，在短短一星期內獲電台、報紙及雜誌邀請出席的訪問已多達二十多個，而同一時間在書報攤上亦擺放着多本以湯盈盈作封面的雜誌，其風頭可以說是一時無兩。本月十九日舉行的《萬千星輝賀台慶》早前已公布了提名名單，湯盈盈憑《我師父係黃飛鴻》、《開心賓館》及《阿旺新傳》共獲三個「最佳女配角」提名，原本不被注意的湯盈盈亦火速憑醜女阿好一角跑出成為「最佳女配角」大熱人選。
除假牙去廁所
首次接拍醜女角色的盈盈表示當初答應演出時並未有太大感覺，不過在拍攝過程中見到自己的容貌時實在有點難堪，她昨日在中環接受訪問時說：「拍攝過程俾人話醜之後，自己都驚嚇親人，每次出錄影廠去廁所，都要除咗假牙，戴番個口罩，唔想人見到我。喺拍攝中途我都有啲頂唔順咁醜，意圖想靚少少，偷偷地搽粉、搽唇膏，不過俾工作人員發現咗，話我個妝唔同，當時更加冇諗過套劇播出街後有咁大迴響。」
或開《阿好前傳》
盈盈亦感激劇中主角郭晉安對她的一番安慰，令她可以順利完成演醜女的突破演出，她說：「可能佢係過來人，佢睇得出我有少少唔開心，佢叫我演出時忘記自己係湯盈盈，佢重話畀心機做好，話唔定觀眾接受，可能第時會有套《阿好前傳》呢，我當時聽完就算，𠵱家先諗番佢講過嘅說話。」
劇中講述阿好是一個充滿歌唱天份的女孩，一向喜歡唱歌的盈盈表示有機會在劇中唱歌是當時唯一的動力，她說：「最開心係得一個人入錄音室錄歌，感覺自己真係似歌手。」成為「最佳女配角」大熱人選，盈盈表示未敢奢望攞獎，她說：「老實講，真係好想攞，不過怕失望，其實今次阿好咁受歡迎，已經係我呢十年最大嘅鼓勵。」
採訪：卓美娟 攝影：陳慧安
化妝：AC/Donkey
髮型：FrancoNgbyPRIVATEiSALON
服裝：9"nineinches
場地：PRIVATEiSALON（IFC）
