蔡一智昨日在日航酒店擔任「拉丁迷情──誘發色彩魅力」彩妝比賽評判，一班化妝學校女學員穿上三點式泳衣行天橋。問阿智喜不喜歡睇三點式，他說：「一樣啫！不過啲女仔唔係專業模特兒，第一次行catwalk都唔錯，着咁少喺人面前行來行去，都好難得。」
PartII演唱會受阻
有報道指草蜢有意在十二月續開演唱會PartII，阿智說：「我已經準備就緒，不過都要等個期睇吓可唔可以做。」不過恆藝亞洲老闆丘亞葵表示因為紅館的限制，不可以給歌手通宵搭台，所以草蜢未能緊接顧嘉煇五十周年演唱會「金曲情牽半世紀」後演出。紅館泡湯，草蜢會積極準備巡迴演出，除夕晚更會在雲頂倒數。
採訪、攝影：楊潔雯