早前網上流傳今年無綫台慶夜得獎名單，其中「最佳男主角」獎會落在陳豪身上。成為大熱門的陳豪心情特別爽，他雖然剛熬完通宵拍劇，但昨晨仍然悉心打扮，以一身紫色乳牛look出席慈雲山健步行。
陳豪、向海嵐、蒙嘉慧等一眾《胭脂水粉》主角，聯同應屆港姐冠軍葉翠翠、最上鏡小姐鄧上文等，出席「歡樂滿東華──認識中醫藥慈善步行」活動。一班藝員大清早準時到達慈雲山邨中央遊樂場，其中蒙嘉慧與向海嵐因休息不足，故齊齊戴上太陽眼鏡，相反陳豪則顯得精神奕奕，穿上一身紫色運動服，十足紫色大乳牛，展示四萬笑容，心情勁靚。
憶童年不快事
問陳豪是否對今年台慶的「最佳男主角」獎信心十足？他說：「唔好咁樣，成日講會唔靈，其實有冇獎都咁開心，因為今日做善事，所以心情好，咪悉心打扮囉！做慈善冇所謂，我都係今朝三點先收工。」
此外，向海嵐在《胭脂水粉》的「大嫂」形象深入民心，沿途有不少市民叫她做「大嫂」，她說：「套劇出都多咗好多嘢做，下個月都排到密晒，有剪綵有登台，重接咗個內地沐浴廣告。」
至於蒙嘉慧則表示參加慈善步行令她憶起童年的不快事，她說：「細個搵人贊助我行公益金，好多女同學都有男同學贊助，一公里十蚊，我就叫極都係得兩蚊，都係因為我細個粗眉大眼唔靚，所以冇人鍾意。」
採訪：楊潔雯 攝影：陳慧安
