潘芳芳與相識二十載、拍拖一年的陳冠豪結束愛情長跑，前晚在君悅舉行婚宴。宴會上，新郎以Rap形式向新娘子唱出愛的宣言，不過當賓客們起哄要兩人互咀時，一對新人卻顯得有點尷尬，只肯輕吻對方臉頰。
黃子華的前度女友潘芳芳，前晚與男友陳冠豪（Francis）在灣仔君悅酒店泳池畔舉行婚宴酒會，久未露面的余文詩、韋綺珊，以及黎萱、蔡子健和賈思樂等都有來分享新人的喜悅，李樂詩還自爆是一對新人的紅娘，她說：「Francis以前做過新城，後來返咗加拿大，我哋有喺音樂上合作，Francis同我傾開話自己以前喺無綫做嘢嗰陣鍾意潘芳芳，不過冇追佢，我咪將潘芳芳個電話畀Francis囉，點知佢後來真係有所行動。」
有共識結婚
此外，嘉賓之一韋綺珊還在晚宴上高歌一曲，一對新人即在台上翩翩起舞，狀甚陶醉。其間，Francis又以Rap歌形式，唱出了對新娘子愛的宣言。不過當嘉賓們起哄要一對新人互咀時，兩人都顯得有點尷尬，只肯輕吻對方臉頰。
事後潘芳芳說：「我哋拍咗拖一年，大家相處到某個時間，然後有共識結婚；我哋都係基督徒，好夾。Francis一直喺外國長大，佢都唔會特別注重各種儀式，佢有送結婚禮物畀我，但就係秘密。」
採訪：張俊銘 攝影：陳慧安
