「大婆台」前晚又直播荷甲聯賽事，見過鬼怕黑，對呢場入球「大」都唔係咁有信心。其實，呢場燕豪芬主場鬥鹿特丹斯巴達，亦設「讓球主客和」，「主勝」有一點五三倍，比一點五倍入球「大」更好分。就係怕燕豪芬再遇「直播魔咒」只贏兩粒開個「細」，筆者都係寧願買「主勝」而棄「大」。
同晚荷甲聯有另一支強隊阿爾克馬爾主場出擊，對手又係升班馬荷華高斯。博得燕豪芬「主勝」，嫌分頭少，自然想串埋同樣「讓一球」嘅阿爾克馬爾一點四三倍「主勝」。結果就斷纜嘞！
其實阿、荷之戰入球「大」嘅定位數，被調高到三點五球，更有一點九五倍好分頭。馬後炮，既然當時認為阿軍可以贏兩粒以上開「主勝」，如果可以用呢個更好分嘅「大」，串燕豪芬「主勝」，咪有得贏囉！可惜，馬會到𠵱家重未搞得掂個系統，呢類「跨項過關」重未玩得，有時真係覺得幫襯外圍博彩公司吸引啲。
文：華度