利嘉閣澳門余浩銘話，因有唔少散戶投資者減價賣樓，搞到十月份濠江住宅樓價跌咗三至五巴仙。今個月澳門與本港同步，調高利率半厘，令到樓市進一步受壓，估計全月住宅買買量值齊跌。 余浩銘預計，要等樓價回落五至八巴仙，先會有初步支持，相信經過調整後，明年第一季市道會好轉，價量齊升。 早排澳門新盤開賣，代理生意大豐收，𠵱家就算有樓賣，都未必咁好景。