廣州商貿零售業高層管理人才匱乏，好多商場都以高薪挖角方式解燃眉之急。中國購物中心產業資訊中心調查顯示，截至○四年底，全國三百一十家商場中有一百零二個總監跳過槽。花咗半年培訓嘅人才，做咗幾個月就俾人高薪挖走，被挖者當然身價大漲，𠵱家國內大型超市高層管理人員年薪一般有六至八萬元人民幣，外資超市嘅外國人店長年薪更有四十至五十萬元人民幣。