天台，一直以為只是個用來賞月、晾衫的地方，但自從近年愈來愈多餐廳將天台改裝成露天雅座後，發覺原來天台都可以是個FineDiningArea！特別在夜幕低垂，目下盡是萬家燈火，如置身閃亮星星堆中，加上正值初秋，涼風吹送，跟三五知己或另一半談天嘗美食，舒舒服服，難怪阿夢（岑寶兒）都話最緊要「露」！
記者：黃婉冰
攝影：譚盈傑、周旭文
SkyLounge星空下BBQ坐享其成
第一次走進SkyLounge，站在位處24樓、無遮無擋的天台上，感覺與天空更接近，即時覺得店名改得一點也沒錯。這裏提供的是BBQ食品，有各式海鮮、肉類，皆由大廚即席燒製，客人只是坐享其成！
串燒大蝦$45/2隻
大蝦隻隻足有5、6吋長，加上蒜鹽、黑胡椒和牛油燒香，連殼食好惹味。蝦肉又厚又大隻，食得滿足。
蒜茸煙肉生蠔$128/半打
生蠔有芝士、牛油、蒜茸煙肉等選擇，怕油膩可揀蒜茸煙肉。選用美國生蠔，鋪滿蒜茸和煙肉粒，連殼燒熟，甘香味美。
泰簡單帳幕貴賓房
餐廳就在總統戲院樓上，接連一個接近1,500呎的天台，同樣帶有泰國熱帶風情，一邊放滿木枱櫈，另一邊設有帳幕式貴賓房，最適合一大班朋友自處一角邊傾邊食。
黑胡椒大蝦$138
用多膏的泰國大頭蝦配以黑椒粒和香料，炸至香脆，入口香而不太辣，是一道不錯的佐酒美食。
焗大包金枕頭$76
金枕頭其實指大麵包，大大個包外層塗滿香草蒜茸牛油，內裏放滿濃香咖喱蜆肉，食完蜆肉，斯開麵包蘸咖喱汁來食，連汁都撈埋。
周記避風塘七樓熱帶園林
在新城市廣場七樓的周記避風塘，主打創新避風塘菜、日式爐端燒。你可選擇外邊充滿熱帶風情的露天座位，沙田夜景盡入眼簾。
避風塘炒蟹$198
大廚先用3的辣油混和q的滾油把蟹先炸一炸，讓辣油的香辣味滲入蟹肉，食時撒上炸過的甘香蒜粒和豆豉，想挑戰味蕾，不妨要求加辣。
燒鯖魚$48
由日本運返的鯖魚，用最原始的炭燒來炮製，食時蘸些日式酸汁和蘿蔔茸，可把魚的鮮味帶出。
艇家雞$68/半隻
採用艇家最愛的魚湯炮製，用牛鰍、雞、赤肉和豬骨熬足四個鐘。雞先用藥材浸熟，再放入魚湯內。
艇湯海鮮泡飯$88/鍋
用泥鰍魚湯炮製的海鮮泡飯，有鮮魷、帶子肉、水瓜粒。魚湯帶有少少胡椒粉的香辣，鮮甜香濃。
Habitu隊啤聽Blues意式BBQ
Habitu這個名為「藍音共醉11月」的BBQBuffet$188（包1杯啤酒），逢周五、六、日客人可在節奏輕快的Blues下，一邊暢飲凍啤，一邊豪食各款即場燒製的意式BBQ美食，當然還有鬧市夜景送酒。Weekend放工唔去老蘭，一樣可以盡興一整晚。
挪威三文魚扒配烤蒜茸番茄
三文魚扒用意大利香草、橄欖油等醃過再燒，再唧鮮檸汁，魚鮮味更重。大大個意大利番茄撒滿香草、芝士和麵包糠，烤完再烘，脆卜卜！
夢露推介
對日又拍戲夜又趕戲的阿夢來說，坐在露天餐廳吃頓晚飯或喝杯咖啡，那種悠閒之感，已是Relax的最佳靈藥。居住港島區的她，除了天台餐廳首推灣仔三里屯。
「三里屯勝在餐廳夠多又集中，一個地方有晒酒吧、Cafe、唔同嘅餐廳，選擇多，食飯飲嘢一站過，又唔會太多人，加上露天感覺幾舒服。」
露邊度：
SkyLounge（31883898）
地址：灣仔謝斐道303號王子酒店24樓
營業時間：6:00pm-2:00am
周記避風塘（26280218）
地址：沙田新城市廣場1期7樓710號舖
營業時間：11:00am-11:30pm
HabituTheGarden（28983919）
地址：銅鑼灣利園商場2期3樓
營業時間：12:00nn-12:00mn；星期五、六、日7:30pm-10:30pm供應
泰簡單（28382896）
地址：銅鑼灣謝斐道517號總統戲院3樓
營業時間：11:30am-2:00am
