咪以為喺坪洲住的細路實識種菜。啱啱相反，即使屋企有田，家長都希望仔女多讀書，唔好種菜，加上農具鋒利，小朋友若冇導師在場，係唔適宜攞嚟玩。所以Anne上課時，只係畀同學拿住個細鏟玩吓！有啲會好用心，有啲就好無聊亂掘。和仔就試過胡亂在地上鋤，竟鋤爆一條水管，搞到附近有半日冇水供應。後來佢見到那些蔬菜和花朵長得很大，才真的產生興趣，努力學習。有次和仔同Anne嚟我屋企，問我一個好尷尬的問題：「點解你種啲菜咁瘦弱，學校種嘅大咁多嘅？」我唔服氣問：「有幾大呀？」和仔話：「上個月節瓜收成時，竟發現有兩個重17磅，三個重13磅。」嘩！咁厲害？Anne證明係千真萬確。其實大自然好神妙，因學校附近沒有其他農田，所有蟲類都唔會去那裏找食物，蔬菜就無拘無束自由生長。我家附近有很多農田，有些還下了農藥，將那些蟲類趕到我的田裏，蔬菜自然冇咁快快高長大啦！ （三十八）
阿花