巨人姚明有隻大腳板，市面嘅鞋對佢嚟講都太細。唔知呢隻又點呢？○五年跨國零售集團國際採購會喺江蘇南京國際展覽中心開幕。會場就展示咗一隻手工製嘅真牛皮特大皮鞋，長一點六米，寬六十厘米，高六十厘米，一隻售價三千美元（約二萬三千三百港元）。呢隻鞋由江蘇鎮江一間鞋廠製造，由五名專業鞋匠花十五日，用整整兩張牛皮縫製。