貴為十三億人口大國嘅外交部部長，李肇星近日憂心忡忡。大家千祈唔好誤會，唔係中美、中日發生乜嘢大事，而係中韓兩國之間嘅泡菜貿易戰令佢心煩而已。話說，籍貫山東嘅李肇星，同韓國人一樣，冇泡菜不歡。佢無論到平壤或漢城，甚至到紐約出訪，食飯嘅時候，一定要食一碟泡菜。𠵱家，兩國互相指摘大家嘅泡菜有問題，令佢左右為難。