呢部古董車好靚仔，水滴流線型，如果唔係好近咁觀察，唔會知道係富豪響1969年嘅出品。富豪嘅汽車線條，一向以硬橋硬馬為主，原來早於61-73年時代，佢都好風流，好似呢部1800S咁，配用一台編號B20B引擎、雙化油器，馬力輸出有118匹，而波箱則用上4前速手動排檔。
攝影：戴維浩
當時Volvo1800S嘅廣告都係以男人媾女為主，好多廣告都係攬住個女仔，好有情聖Feel，占士邦亦曾經考慮過佢，但礙於唔係英國品牌，最後都無緣做占士邦車。今時今日睇番呢部車，真係好靚仔，圓圓滑滑唔做作。
大部份1800S嘅廣告都係以媾女為主
