若論今晚賽事焦點誰屬，重使問？梗係屬於英超大戰：紅魔鬼火併藍戰士啦！論近況，曼聯過去一周表現遜色，聯賽作客米杜士堡一比四慘敗；周中歐冠盃分組賽○比一負主場的里爾，分組出線機會大受影響。
外界對曼聯搞到今時今日嘅狀況眾說紛紜；有的說費爵爺剛愎自用，令到自己眾叛親離，先後賣走史譚、華朗及碧咸等重心球員，削弱球隊實力；有的說近年球會青訓失敗，未能為球隊補充優質新血，出現青黃不接。另一方面，若論陣容：由史高斯、阿倫史密夫、費查等組成的中場線要面對林柏特、艾辛及馬基列尼等實在是難以取得優勢。論士氣，曼聯隊長堅尼近日曾公開批評部份隊友場上表現不夠水準，一再證明主隊軍心不穩。
車仔有兩「杜」復出
對手車路士上仗不敵貝迪斯，今季首次於法定時間內落敗，領隊摩連奴賽後循例批評球隊差勁表現；預計上周中後備入替的杜奧巴和杜夫復任正選，攻擊能力應比周中一役相對加強。
論對賽往績車路士自從由摩連奴執教後未被曼聯打敗，上季聯賽和聯賽盃兩次作客奧脫福球場都能夠擊敗紅魔鬼。客觀條件仍然傾向支持藍戰士，穩陣的可以揀讓球盤上盤；而一向進取嘅我當然敲主客和客勝。
有線球彩台主持大力