王菀之（中）噚日喺中環出席「2005CASH金帆音樂獎」公布入圍名單嘅飯局，王菀之憑兩首歌已經有三個提名，佢話：「估唔到有咁好成績，真係好開心。」陳奕迅久休復出，佢喺「最佳男歌手演繹獎」五項提名中囊括四隻歌。許冠傑（阿Sam）就獲頒音樂成就獎，問向雪懷（右）阿Sam會唔會出席頒獎禮？佢話：「阿Sam應該喺地球，冇參加太空計劃，到時有機會嚟嘅。」