唔單止由中國入口嘅泡菜有寄生蟲卵，近排韓國自家嘅泡菜商，都承認發現有蟲卵，對於一班韓國主婦嚟講，最安全梗係自己醃製白菜，令到白菜價格日日飆升，當地嘅樂天商場於是諗橋，推出「白菜預購特價活動」，預訂可以用當日售價購買，唔使驚聽日加價咁話，呢招幾見效，吸引一班慳錢主婦對住菜攤圍攏起來。