下午三點半，坐在茶餐廳喝下午茶。
那一帶是舊式高尚住宅區，樓市活躍了，買賣增多，裝修工程也跟着多，茶餐廳裏，前後左右都是來喝下午茶的裝修工人。
後面一桌坐了四個，奶茶多士一人一份，其中一個先打開話題：「呢度啲樓成萬蚊一呎，一千呎樓就係一千萬，你話有幾多有錢佬。」
另一個接話：「所以話嘞，呢個世界幾×唔公平，我哋做生做死住啲乜嘢地方，佢哋就印印腳住豪宅，諗起都把×火！」
又有一個接話：「你話係唔係好奇怪，乜嘢人係埋乜嘢堆，啲有錢佬住嘅地方都一樣，鍾意住埋一堆。」
第一個斜了他一眼說：「×，有錢佬唔係住埋一齊，唔通同我哋住埋一區喎，你都戇××嘅！」
第二個發言的又說了：「所以我話呢個世界唔×公平咯，我最×憎有錢佬，最好就係將呢啲有錢佬嘅身家分×晒佢，我哋都來呢度住埋一份。」
「咁就好呀，豪宅大家有份住呀！」另外兩個笑着說。
四個人裏面，三個說得眉飛色舞，另一個由頭到尾不出聲，只管喝着茶嚼着多士，聽三個同伴說話，也不表態。
從前香港人也羨慕有錢佬，但會以有錢佬作榜樣，心裏暗暗使勁發奮，希望自己努力之後，也可以過有錢佬生活。這個「從前」，也不過是十幾二十年前。但到了今天，志氣不同了，想到的是將有錢佬的身家「分×晒佢」，自己就可以住豪宅過好日子了。想想也是，今時今日，在香港想着「打土豪分田地」的人，又何止我後面桌上那幾位裝修工人？當中國大陸全面走資的時候，香港社會卻日趨赤化，你說這人變了聰明了還是笨了？是文明了還是野蠻了？是上進了還是折墮了？