陳苑淇（左）同吳浩康噚日喺尖沙嘴接受新城直播訪問，主持人要佢哋講吓威水史，陳苑淇話：「本來我諗住攞我大學畢業嘅證書同帽，但係搵極都搵唔到，後來我咪諗到攞喺美國考嘅車牌囉，因為我學咗六個鐘就考到，不過呢個車牌令我有陰影，因為我學車嘅時候俾個師傅非禮，搞到我學咗六個鐘就唔敢再學。」所以陳苑淇到𠵱家都未喺香港揸過車。