何文田君頤峰，入伙一段時間，發展商新世界與美聯合作，今明兩晚搞大型酒會，除咗屋苑業主，請埋附近帝庭園、京士柏山及爵士花園業主參加，等佢哋感受吓君頤峰擁有嘅璀璨夜景。 君頤峰業主轉介親友，經美聯買樓，會送新舊業主一年管理費。 新世界李冠亮話，君頤峰得番四十幾個高層貨尾，呎價八千二至八千五。