外圍造好，但港股仍報跌，恒指收報14585，跌15點，成交156.79億元。期指收報14495，跌76點，低水達90點。港股成交萎縮，反映投資者審慎，市場觀望氣氛濃厚。期指大低水，有近半是反映恒生（011）、滙控（005）下周一宣布第三季股息的因素，不單是因為大戶看淡後市。
海升果汁（359）首日掛牌，股價低於招股價22%收市，報0.64元。噚日見唔少止蝕盤出籠，成交達8876萬元。其實此股招股時，其對手安德利（8259）曾發出預警，將面對蘋果減產的困難。但海升於公開發售仍獲0.26倍超額認購，以0.83元（近下限0.82元）定價，其實反應都算唔錯。
建行（939）招股前後，市場出現資金撤走現象，所以唔少半新股的表現都唔理想，由瑞銀保薦的卡森（496）至今都未重上招股價2.55元水平。市傳東風汽車上市集資規模減至5億美元仍然有困難，可能要再縮減規模甚至押後上市，市場氣氛之差可見一斑，海升又點能逃過破底命運呢？
不過，黑客話見到海升在0.63元低位有承接，是博反彈之選。公司主席表示05年盈利預測1.18億元不變，每股攤薄盈利0.097元，以噚日收市價0.64元計，PE低至6.6倍。
泓富搶閘被卡
傳聞長實（001）旗下隻泓富，原本想搶閘先於領匯上市，成為首隻在港上市的REITs，但最終被證監會卡住，唔批佢上市。市場即聯想到長實被港府打壓，沽壓大增，股價跌1.7%至80.35元，成交達9.48億元。長和系合共將40億元商貿物業注入泓富，長實只佔其中24.33億元，相當於長實6月底股東權益1.3%，所以泓富上唔上到市都唔太重要，市場又何必太緊張。
阿虎