黎明（Leon）昨日先後到紅磡及銅鑼灣出席活動，其MV音樂電影昨日讓傳媒先睹為快。Leon在MV中與女新人房思瑜有床上戲及濕吻鏡頭，被問到為何不找舒淇做女主角時，Leon衝口而出說是因為她身價太貴。
黎明和台灣女新人房思瑜主演的MV音樂電影《黎明１個故事》今晚會在衞視電影台首播，而昨日他先到紅磡出席ＭＶ記者會，並同時以視像連線接受台灣及新加坡兩地傳媒的訪問。由於Leon在MV中和房思瑜有床上戲及濕吻鏡頭，問到房思瑜在片中的表現，Leon說：「佢好用力去演，但係節奏同默契方面仍然要學習，佢嘅表現值六十五分，我都一樣，大家拍親熱鏡頭時都有NG。」
多緋聞女友電話
在記者會上，Leon不時被追問他和舒淇的事情，當問到會否致電恭賀獲金馬獎影后提名的舒淇時，Leon說：「呢個唔係值得討論嘅問題，假如我嘅電話影響賽果，呢個電話一定唔會打。」有記者問為何今次MV不邀請舒淇做女主角，Leon即衝口而出表示舒淇身價很貴，及後再補充是唱片公司希望搵新臉孔做女主角。
在MV片段內有一段情節是指忘記電話號碼比記住一個電話號碼更難，Leon坦言拍攝時並不了解箇中意思，因為他覺得現時可以靠手提電話及電腦來記住，如果想忘記就可以刪除手機中的號碼。至於他是否擁有緋聞女友舒淇、楊采妮及李嘉欣的電話號碼時，Leon說：「有啲有，有啲就冇，有啲就喺助手度，呢啲係朋友之間嘅問題，唔需要攞出嚟講。」
爛帳20年未還
此外，Leon、側田和周國賢等昨日到銅鑼灣出席公益金活動，日前有報道指Leon的中學舊同學「陳小姐」指Leon以德報怨，Leon昨日表示不記得此事，不過他自爆中學時成績雖然好好，但操行卻差到令他留班。而Leon表示二十年前曾經借錢給一個無綫幕後人，他說：「當時我銀包得百五蚊，我都借一百蚊畀佢，但佢到𠵱家都冇意思還，𠵱家間中重見到佢，佢應該拎啲錢捐畀公益金，不過佢都唔記得捐啦。」
採訪：駱華齡
攝影：何國豪
