英皇話，荃灣英皇娛樂廣場，有外資基金出到九億八千幾萬洽購，價就到咗，但係條款重要再傾，其中一項，係買方要求業主提供租金保證。 英皇娛樂廣場𠵱家得番兩件高層未租，英皇預計，租晒之後，每年租金收到五千萬，以九億八計，回報五厘。 呢幢銀座商場斷斷續續傾咗年幾，價錢由七億幾傾到九億幾。英皇高層話，個價都算係咁啦。今次有機會成事都未定。