新地話唔憂賣嘅山頂豪宅施勳道倚巒，諗住以四季變化，作為四個示範單位主題，噚日請嚟蜚聲國際嘅爵士演奏家，聯同意大利舞蹈員，配合樓盤展場開幕，喺國金商場以爵士樂風格，重新演繹四季協奏曲。短短十幾分鐘，已經令唔少行過嘅白領駐足欣賞，拍爛手掌。
新地雷霆喺表演後話，個盤要等出咗滿意紙先賣，不過，有五個客等唔切，擺低本票，細屋定金三百萬、大屋五百萬，呎價去到兩萬四至兩萬五，估計下月初攞到滿意紙，就可以作實成交。
雷霆話，個盤二十二間屋，最多賣一半，公司見咁好反應，即時加價，每呎去到兩萬八。
電郵地址：[email protected]