菜肉魚之食住上：酒店烤男啖啖肉火

誰說BBQ一定要去郊外，打扮一定要穿牛仔褲戴CAP帽？將燒烤地點移往市區，還要是五星級酒店，可以穿得Elegant、化行妝兼Set頭，安坐在一旁，等人將即叫即燒食物送到你面前。牛扒、羊扒要烤到幾成熟，全部由你話事。有靚景、有美食、還有靚仔侍應廚師服侍周到，夫復何求！

記者：黃潔蓮　
攝影：譚盈傑、何家亮
Models：Zoie、Abee、Pikki（PureModel）

貴格海鮮平過散叫

𠵱家嘅燒烤餐廳已經愈嚟愈少用炭爐，難得君悅咁堅持，大大個圓形燒烤爐，一次過可以讓三位大廚為客人烹調，而且烤出來有靚靚井字紋。當中除咗一級肉眼扒，重要推介超巨型帶子、波士頓龍蝦等，如果散叫烤肉拼盤與雜錦海鮮拼盤兩道加埋已經要$440，只要吃這兩款已經可以回本，另外，單是用來蘸點的醬料已有十多款，芥辣都有六款選擇，加上每日提供12款沙律選擇，每星期會轉一次，食一個月才會重複一次。

■燒烤爐像8人圓枱一樣大，由大廚即場為你烤製各款肉類、海鮮、香腸與蔬菜。

TheGrill（25847623）
地址：灣仔港灣道1號君悅酒店11樓靜水沁園
時間：每晚6:30pm-10:00pm
收費：成人$438、小童$250（另加一服務費）
座位：120個

■沙律吧每晚提供12款沙律選擇，還有超過18種材料可任意配搭。

Sky，20歲，近6呎高，性格較為害羞，不過每晚都會駐場，幫你即叫即煮新鮮肉類及海鮮。

送大堆頭海鮮拼盤

餐廳位於ThePlace後面，感覺如在鬧市中的後花園內，全園只得11張餐枱，提供44個座位，一來可遠離燒烤爐，不會被熏得一頭煙，二來侍應可以提供更貼身的服務。今個月是新西蘭食品推廣月，大部份的食物如牛扒、羊扒、青口、紅白酒等都從新西蘭進口。每位客人還會獲贈一個海鮮拼盆，內裏包括生蠔、蟹及大蝦等。值得一試的是一級羊扒、T骨扒及肉眼扒，大廚花了兩日醃製，自然更入味，其中每塊重3-4安士的肉眼扒，成本價也要$100，食4塊都有賺啦！