有次同Anne行自然教育徑，有對夫婦帶住個八歲左右的兒子，邊行邊問：「呢棵植物叫乜名呀？」兒子一臉迷惘，不住搖頭。「又話老師帶你嚟過，點解唔記得㗎？冇鬼用。」Anne當時好嬲！其實好似「聖家小學」有田畀學生耕種，收成又可以分嚟食，當然好開心，印象更深。但可以帶學生認識大自然，總好過只在課堂上讀死書。「呢啲係中藥嚟㗎，我老師教過我啦！」一把熟識的聲音自身後傳來，回頭一看果然是和仔。他看到我們立即走過來，同他朋友仔講：「MissAnne教識我有機耕種，同好多植物名，佢好叻㗎！」Anne滿臉通紅，那一刻真的開心死了！當所有家長都出盡法寶爭取仔女進入名校時，有否想過把仔女送到坪洲的學校讀書呢……？（三十七）
阿花