今年本地收費電視市場真係十分熱鬧，繼有線電視、電盈嘅now寬頻電視相繼表示會推出財經台後，TVB嗰檔新電視亦都諗緊開嗰財經新聞頻道。真係瘦田冇人耕。噚日，TVB新電視嘅另一個partner漢傳媒主席余錦基出席一個電台節目後就話，新電視日後亦會推出財經台，目前未有時間表，節目係咪由電視廣播提供，就話暫時未知。
如果大家唔善忘，應該記得早兩年前TVB搞收費電視，搵咗羅燦開廿四小時新聞台，重出咗兩個人氣主播趙海珠同林燕玲，家吓羅燦同林燕玲過檔電盈幫手開一條財經頻道，日後打對台，唔怪之得TVB都要諗吓計。
另外，噚日新電視自己亦搞咗嗰記者招待會，公布TVB提供嘅八條收費頻道嘅全新內容，實行硬撼，其中包括近排喺台灣人氣急升嘅TVBAsia，即係連阿扁政府都話要禁嗰個。
傳真︰2623-9278
電郵︰[email protected]