和仔𠵱家拿着鋤頭鋤地真係似模似樣，最初當Anne介紹他給我認識時，他還只是個小四學生，也不高大，個鋤頭幾乎重高過佢，點知呢幾年快高長大，重由原來對耕種全無興趣，到即使畢咗業，仍然返坪洲學校後的斜坡耕地玩。Anne話係佢最得意門生喎。兩三年前，Anne好開心同我講，話坪洲的「聖家小學」搵佢教有機耕種，我同佢去到學校後的山坡，發現地方雖然大，但雜草叢生，堆滿垃圾，陣陣臭味！但經過政府的幫忙，派出附近喜靈洲的囚犯清理場地，果然好快就企企理理，唔使幾耐重成為一塊好大嘅有機耕地。每次我經過時，便有點嫉妒，點解佢哋種啲蔬菜比我種的重好呢？Anne話要多得一班天真、好玩又勤力嘅學生，同埋辛勤工作嘅校工叔叔。我想Anne最感到開心的，還不是田裏花朵璀璨，而是那群比花笑得還燦爛的學生仔！（三十六）
阿花