北京○八奧運有排先到，但係大家期待嘅奧運紀念品已經正式開賣。聽講，今屆奧運特許商品有七千幾個品種，大家除咗喺北京、上海同深圳等全國二十七個特許店買到上述奧運紀念品外，遲啲通過上網買或者郵購都得。𠵱家市面所賣最貴嘅係24K奧運彩金紀念章，要七千二百幾元人民幣，最平嘅係糖葫蘆圓珠筆，每支十蚊。