近日硬銷母語教學嘅教育統籌局常任秘書長羅范椒芬（圖）噚日上有線電線節目時，自爆當年愛聽歌學英文，佢話自己最鍾意聽電影《仙樂飄飄處處聞》嘅歌曲，重因為好鍾意聽而去查字典，希望明白啲字點解。佢又介紹啲學生哥，可以睇乙武洋匡嘅《五體不滿足》同MalcolmGladwell嘅《TheTippingPoint》，從中學懂人類係唔完美嘅。
講開英文，羅太都忍唔住話，覺得香港迪士尼將啲歌改晒中文歌詞，令到學生少咗學英文嘅機會，不過佢話迪士尼可能係入鄉隨俗啩！為咗畀中文中學嘅學生學好英文，羅太話教統局喺年底會向政府申請注資超過一億元，支持學生學英文喎。
傳真︰2623-9278
電郵︰[email protected]