許志安昨日到港台接受DJ周國豐訪問，當安仔知道對方就快結婚時高興地說：「嘩，我都好恨呀。早排我二家姐個仔都結婚，如果佢哋勤力啲，我就會好快做舅公。」不過安仔被問到何時結婚，即扯開話題說：「今日星期幾呀？人哋鍾意我，我都要鍾意人先得㗎。」
讚韓紅有義氣
安仔早前被指借舊愛鄭秀文宣傳，但現時已有韓紅「頂上」，他在節目被問及與韓紅在街頭熱吻的新聞，安仔說：「我今次唱片有隻歌係同佢合唱，𠵱家公司都傾緊，睇吓佢可唔可以嚟香港做宣傳，到時你哋（記者）要錫住佢。不過阿妹（韓紅）真係好有義氣，我去親北京佢都會派架車嚟接我，佢嚟香港我就畀架車佢用。佢嚟香港，我去番俾人影到相嗰間飯店，如果再影到相咪當係出舊相囉。」