人氣急升嘅律政司司長黃仁龍，噚日去咗天津，出席中國律師論壇，今次係黃仁龍首次以特區律政司司長身份出外，不過就有啲出師不利。話說黃司長本來乘坐十二點五十分嘅中國民航直飛天津，點知班機話delay，延遲到兩點十分飛，於是司長就遲啲先去機場，但係都冇用，因為再問先知，原來對面班機都重未起飛，結果黃仁龍班機終於喺三點半起飛，遲咗兩個鐘出發，記者問司長有乜感想，佢話「心情興奮」喎。
黃仁龍真好嘢，冇做過乜民望都喺三司中排第一，計埋其餘十一局就排第二，僅次李少光，諗起詩姐姐就慘，捱咗八年都永遠喺三司排第尾，同情分都攞唔到，真係同人唔同命。
傳真︰2623-9278
電郵︰[email protected]